Ferðastefna Norðuráls

Verum til fyrirmyndar á ferðum okkar!

Norðurál leggur áherslu á að starfsmenn sem aka bifreiðum fyrirtækisins hafi öryggi ávallt í fyrirrúmi, fari eftir umferðarlögum og séu til fyrirmyndar í umferðinni.  Jafnframt er lögð áhersla á að starfsfólk fari vel með þau farartæki og búnað sem því er treyst fyrir og sjái til þess að þau fái viðhald, séu áreiðanleg og endist vel og lengi.

Á vegum úti fær starfsfólk tækifæri til að hafa áhrif á ímynd fyrirtækisins. Með því að hafa öryggi alltaf í fyrirrúmi, fara eftir umferðarlögum og sýna öðrum ökumönnum tillitsemi er ýtt undir jákvætt viðhorf annarra til fyrirtækisins og starfsmanna þess.

Ferðastefnu Norðuráls í heild sinni er að finna á innra neti fyrirtækisins og er það á ábyrgð allra starfsmanna að fylgja stefnunni og stuðla þannig að öryggi og vellíðan á vegum úti.

Bílamál

Starfsfólk Norðuráls er búsett í þéttbýli og dreifbýli í nágrenni Grundartanga og á höfuðborgarsvæðinu og kemur til vinnu í rútum eða farþegabifreiðum Norðuráls, á eigin bifreiðum, vélhjólum eða reiðhjólum.

Starfsfólk sem búsett er á Akranesi, í Borgarnesi og á höfuðborgarsvæðinu á kost á endurgjaldslausum ferðum til og frá vinnu. Ef starfsfólk, vegna búsetu við ráðningu, getur ekki nýtt sé þessar hópferðir er notast við önnur úrræði eftir samkomulagi og í samræmi við gildandi kjarasamninga.

Starfsmenn geta fengið afnot af bifreiðum Norðuráls, er þeir þurfa að sinna vinnuerindum eða fundum utan vinnustaðar.